Helssega gurutlihtu riikkabeaiválgaevttohasat

2, Zahra Abdulla: Lean čalbmeeadni ja buohccidivššár. Barggan nappo mánáiguin ja boarrásiiguin. Mus lea áššedovdámuš máŋggalágan bearrašiin ja dat lea mu nannoseamos bealli. Mus lea juohke áššis positiiva eallinoaidnu ja ekologalaš jurddašeapmi. Liikon lihkadit olgun ja čohkohallat gáttis.

3, Outi Alanen: Lean neavttár, lagašdivššár ja vuosttasdikšu (amk), Helssega gávpoga várregávpotáirras ja gádjunlávdegottis. Mu válgatemát leat bargu, mielladearvvašvuohta ja ráfibargu. Lean gávpotáirrasin dahkan álgaga, ahte Helssegii galgá oažžut ruovttoluotta iežas psykiatriija gohcima. Lean narsisttaid oaffariid searvvi stivrras, ja jođihan searvvi veardásašdoarjjajoavkku. Lean maid Helssega guovllu mielladearvvasvuođasearvvi stivrras.
Daga lagamužžii nu go háliidivččet ahte du mánnái dahkkošii.

4, Paavo Arhinmäki: Lean 42-jahkásaš guovtti vuollel skuvlaahkásaš nieiddaža áhčči Herttoniemenrantas. Lean riikkabeaiáirras ja gávpotáirras. Vaikko lean leamaš guhká politihkas, de mokta rievdadit áššiid gal ii leat jávkan gosage. Lea geavvan baicce nuppegežiid go Sipilä ráđđehus lea bidjan varaid johtui. Háliidan bargat vuoiggalašvuođa, solidaritehta ja dásseárvvu ovdii juohke beaivve.

5, Mira-Veera Auer: Lean eadni ja bargan bálvalansurggiid mearreáigásaš bargguid. Lean olles iežan eallima orron Helssega ovdagávpogis ja bargan restoráŋŋas, rájus ja maŋimuš bargen vuovdin. Lean PAM-lihtu ráđđehusa lahttu ja HEKA-aktiiva ja Helssega sode-juhkosa lahttu. Dáistalan álo vuoiggalašvuođa beales, geafivuođa vuostá.
Facebook

6, Ilpo Haaja: Lean 60-jahkásaš givzzár, pláhttarávdi Helssega dohkas ja lean leamaš guhká ollesáigásaš oaiveluohttámušolmmožin. Mus lea ámmátsearvevásáhus go lean leamašan luohttámušolmmožin gitta lihtuid hálddahusa ráje. Lean leamaš guhká politihkas, ee. Helssega gurutlihtu guovloráđđehusa lahttun ja ságadoallin. Lean Oarje-Helssega gurutlihtu ságadoalli ja bellodatstivrra várrelahttu. Luohttámušdoaimmat gieldda bealde leat ee. Vammaisneuvosto ságadoalli, iešguđetlágan lávdegottiid lahttun, foandda stivrras, Satama stivrra miellahttu.

7, Veronika Honkasalo: Lean Veronika Honkasalo – gávpotáirras, gurutlihtu várreságadoalli, nuoraiddutki ja guovtti skuvlavázzi eadni Helssega Tapuligávpogis.  Mu ulbmilin lea dásseárvosaš ja vuoiggalaš servodat, gos juohkehaš lea olbmo árvosaš árga. Buresbirgen ja riekti eallit gullet maid boahttevaš sohkabuolvvaide. Suopma dárbbaša mearrideddjiid, geain lea roahkkatvuohta gažadit dálá molssaeavttuhis politihka ja návccaid cuiggodit daid  ráhkadusaid, mat buktet sierraárvosašvuođa ja duššadit birrasa.
Facebook

8, Sirkku Ingervo: Lean 26-jahkásaš ovdagávpogiid ja oktofuolaheddjiid bealušteaddji. Lean bargan guhká gielddapolitihkas. Dáistalan dásseárvosaš nuvttá skuvlejumi, rehálaš bearašpolitihka ja buhtes áimmu beales. Lean álo leamaš heajumusaid bealde. Mun lean earenomášoahpaheaddji, oahpuidrávvejeaddji ja sosiálabargi. Politihkas dárbbašuvvo eatni váibmu ja nissonolbmo viisodat.
Dáistalan dásseárvosaš skuvlejumi, rehálaš bearašpolitihka ja buhtes sisáimmu beales!
Facebook

9, Mai Kivelä: Lean helssetlaš gávpotáirras ja servodatberošteaddji, MA in Environment and Development ja guovtti máná eadni. Lean Animalia doaibmajođiheaddjin. Lean evttohassan, dasgo háliidan bargat buot mii lea vejolaš dálkkádatrievdama caggama ovdii. Lean čatnasan doaibmat ekologalaš bissovašvuođa ja olbmuid ovttaveardásašvuođa beales dál ja boahtteáiggis. #dálkkádat #feminisma #vuođđodienas
Facebook

10, Heikki Kuula: Lean 35-jahkásaš áhčči Helssegis. Ealihan iežan ja bearraša musihkain. Gulan Teflon Brothers -čuojahanjovkui, mii lea eret Malminkartanos. Barggán musihka maid okto. Mu mielas nuoraidbargu, nuvttá skuvlejupmi ja eará buresbirgenstáhta bálvalusaide galgá bidjat eanet ruđa ja dát ruđat galget čoggot garra vearrun riggáin ja stuorra fitnodagain. Lean evttohassan riikkabeivviide ja barggan buot mii leš vejolaš dan ovdii vai boahttevuođa mánáin livčče seamma vejolašvuođat go mat munnje leat fállon Suomas.

11, Lauri Linna: 25-jahkásaš riektediehtagiid studeanta Helssegis. Gurutstudeanttaid ságadoalli. Ruksesruoná diktačálli Kallios. Vuoiggalaš ja ovttaveardásaš boahttevuođa beales. Feminisma. Birgenláhki. Studeanttat. Skuvlejupmi. #Linna2019

12, Ajak Majok: Lean 21-jahkásaš ovttaveardásašvuođa servodatberošteaddji, tekstiila- ja bivttassuorggi ámmátolmmoš ja studeanta. Oahpahan dánsuma ja barggan gávppi suorggis. Lean evttohassan, go háliidan mearrediđolaččat hukset sosiálalaččat vuoiggalaš boahttevuođa, ollašuhttit radikála ekologalaš dálkkádatpolitihka ja máhcahit dásseárvosaš skuvlejumi dan dassái go dat gullá.

”Mii bastit buorebui. Dahkkot buorebu.”
Facebook

13, Petra Malin: Lea hoahppu jorgalit politihka buoret guvlui. Danin lean evttohassan. Lean sosiálabargi, nákkosgirjedutki, gávpotáirras ja pedagogalaš- ja skuvlenlávdegotti lahttu. Evttohassan lean dálkkádaga, birrasa, sosiála- ja dearvvasvuođabálvalusaid, bajásgeassima, skuvlejumi, kultuvrra ja dásseárvvus beales. Buoret boahttevuohta dahkko dál!

Áigi dahkat buorebut – buoret boahttevuohta dahkko dál!
Facebook

14, Silvia Modig: Lean helssetlaš riikkabeaiáirras, riikkabeivviid birasváljagotti várreságadoalli ja gávpotáirras. Mu deháleamos válgatemát leat dálkkádatrievdama caggan, govttolaš ássan ja ovttaveardásašvuohta. Dorvvolaš boahttevuohta, govttolaš ruoktu ja dásseárvosaš servodat gullet buohkaide, ii dušše muhtimiidda.
Facebook

15, Sami ”Frank” Muttilainen: Lean 38-jahkásaš kultur- ja nuoraidbargi ja gávpotáirras.

16, Tuomas Nevanlinna: Lean 58-jahkásaš Helssega Davvi-Haagas ássi ođđabearraša áhčči ja máŋgga kultursuorggi bargi: girječálli, jorgaleaddji, oahpaheaddji, hálli. Teorehtalaš-filosofalaš válljejupmin mu gurutvuohta ođasmuvvá ollesáiggi. Bissovaččat guorrásan Marx sániide: galgá nuppástuhttit buot diliid, main olmmoš lea vuoliduvvon, dulbmojuvvon, hilgojuvvon ja badjelgehččojuvvon ealát.
Facebook

17, Irja Remekselä: Barggán álohii heajubuid ovdii. Mus lea viiddis vásáhus barggus ja bargguhisvuođas, ruovttuhisvuođas, ássamis láigolažžan ja iežan visttis. Mu válgatemát leat dásseárvosaš skuvlejupmi, dienas mii reahkká, govttolaš haddásaš visti buohkaide, ovttaskas fitnodatolbmuid ja unna fitnodagaid álggu doarjun ja ráfibargu.

Váikkut – jienas, Irja Remekselä

18, Galia Suarez Katainen: Fitnodatolmmožin basttán buktit ovdan vásáhusaid unna fitnodaga árgabeaivvis ja dan doaimmaid hástalusain. Háliidan ovddidit unna fitnodagaid sajádaga ja daid sajádaga, geat ieža láhčet alcceseaset barggu. Unna fitnodagat leat mearkkašáhtti bargoaddit ja vearuid máksit. Fitnodatdoaimmas galgá dahkat dorvvolabbo nu, ahte buoriduvvo unna fitnodagaid ja fitnodatolbmuid sosiáladorvu. Vuoiggalašvuohta ja unna fitnodagaid bealis bargan leat munnje dehálaččat.

Unna fitnodagain lea boahttevuohta!
Facebook

19, Suldaan Said Ahmed: Searvvušbargi, servodatberošteaddji, Helssega gávpotáirras, gurutlihtu bellodatráđđehusa 1. várreságadoalli. Barggán Helssega Diakonissalágádusa Vamos Nuoret -fitnus nuoraiguin, geain ii leat bargu dahje skuvlejupmi. Munnje dehálaš áššit: ahte giige ii báze olggobeallai, dálkkádat, bargoeallin. Politihkas dárbbašuvvo berošteapmi, ráhkisvuohta ja roahkkatvuohta.

Suldaan – du bealde
Facebook

20, Heta Tuura: Lean 56-jahkásaš birasplánejeaddji (AMK) ja bargosuodjalanáirras HUS:is. Vuoján sakka vuollegis bálkká oažžuid, unnán dinejeddjiid ja ealáhatolbmuid ášši. Sosiala- ja dearvvašvuođasuorgái ja daidda laktáseaddji doarjjabálvalusaide áiggi resurseren rivttes bargiid mearrái. Biras- ja dálkkádatáššiide ja biodiversitehtii dárbbašuvvojit bissovaš čovdosat.
Facebook

21, Jani ”Wallu” Valpio: Lean 45-jahkásaš freelancer, Elmu ry -searvvi várreságadoalli ja várregávpotáirras.

22, Anna Vuorjoki: Lean gávpotáirras, gurutlihtu gávpotráđđehusjoavkku ságadoalli ja HUS stivrra lahttu. Lea skuvlapsykologa. Bealuštan skuvlejumi ja mielladearvvašvuođabálvalusaid ja nana almmolaš sektora. Sode-ođastusain ii oaččo vuovdit olbmuid, geat dárbbašit veahki, fitnodagaide, mat faskot vuoittu. Válggain galgá oažžut áigái rievdadusa gudneáŋgiris dálkkádatpolitihka guvlui. Rehálaš bálvalusat, olmmošlaš mearrádusat.
Facebook

23, Mika Välipirtti: Lean aktiivvalaš servodatberošteaddji ja birasváikkuheaddji ja lean Helssega luonddusuodjalansearvvi ságadoalli ja mielde máŋggain álbmotorganisašuvnnain. Mu dovdet luonddusuodjaleaddjin ja vuoiggalašvuođa bealušteaddjin. “Huksejehkot ovttas Suoma, mii meannuda buohkaiguin ovttaveardásaččat, ja gos dálkkádatrievdama bisseheapmi ja geafivuođa jávkadeapmi leat deháleamos barggut.”

Bissehehkot dálkkádatrievdama ja gáddjot buresbirgenservodaga.
Facebook

Sáhtát doarjut evttohasaid válgabarggu Holvi-bálvalusa bokte.