Baro Foorosko (Helsinki) Džerevo Politikaano ringosko velkibiako teemi

Suomi   Svenska   English   Davvisámegiella   Romani   Somali   По-русский   سۆرانی   العربية

Helsingki Džerevo Politikaano ringos hin apridas froolaagimes aro lengo velkibiako teemi Baro Foorosko saaki

FROOVEERDIBA – Latšo dživiba hunjula saarenge

Frooveerdibosko barjiba dissula aro Baro Fooros, naaluno merkneha aro sastibosko- ta skoolibosko froojibossa maĥkar foorosko dieli.
– Ame vollaveha sosiaalune- ta sastibosko omsorgako tšentibiengo presibienge 760 eurosko taaka, dooleske te saare komuje hyövyna lel penge tšihko piisuno omsorga
– Ame kutjavaha tšuoriba jakkes te ame teeljavaha buuribosko presibi ta neevavaha sosiaaluno saakengo siila kajo botnosko dživibiako louvengo aaviba – saare komujen hin horttiba te džiives uutan teeljiba ta tšuoriba
– Aro Baro Fooros džiivela buut froolaage komuje, dooleske ame kammaha tšeeres butti prissi froodikkiba

VETRAKOPARIBA – Dauva hin sisto stunna te byryves te tšeerel tšatšo butti

Vetrakopariba tšaljila nii Baro Fooros, ta amen hin mostiba tšeeres amengo dielesko butti te stannaves douva. Fintiko ta Baro Foorosko kammime hyövyla trangjaves.
– Foorosko natures hin lesko stedos aro angaresko felda ta aro naturesko buutibosko formako garaviba, dooleske amen hin mostiba te siilaves foorosko veĥĥi, öiji ta stranni
– Ame anglavaha biĥleppibiengo draadiba džinom douva te ame daha louvo aro foorosko fasunenge
– Aro Baro Fooros ta aro hilo Fintiko them hin mostiba te agures parruno-angaresko rikkiba kajo berĥ 2025 tiija

BUTTIAKODŽIVIBOSKO PARIBOSKO PHAGIRBA – Skooliba hin koni tšihkide sambuotiba

Pariba aro buttiakodživiba dissula aro Baro Fooros. Daari hin butti aro Digitaalo bolibosko dielos, jakkes sar aro teeluno-lyönengo dielos. Buttikiire naa na aaĥĥela rökkimes, dooleske te maĥkar vaure saaki buuriba hin aja kuĥ daari.
– Douva lyöniba so aavela buttiatta hyövyvehas rökkaves aro ĥaabe ta dživiba. Dooleske ame anglavaha minimiakolyönosko-laaga, lyönosko-itveeriba ta ame kammaha te tšuuves grensa nollos stunnako sömsibiake.
– Kaana butti parjuvela skooliba hin koni tihkide sambuotiba. Ame kammaha bipresibosko skooliba aro saare skoolibiako ĥleetibi ta ame garantavaha doolenge koonen hin uutan butti horttiba te lel penge skooliba biåldra dikkibossa ta anglavaha skoolibiako neeviba.
– Aro it-veerime buttiako dživiba hunjula nii it-veerime huupako-lova tiijako modellos (6+6+6)